2026-05-13T18:03:08Z https://webservices8.memorix.nl/a2a/19337af6-f72c-11e5-af48-00155d012a81/

5e685307-e859-7188-22ac-584c9b7e1945 2025-10-17T01:43:54Z

Philippus Abrahae Bazore Man Secretarius Heeswijk 1596-09-27 Begraven 1596 9 27 Heeswijk RK Person:d903129c-2fa0-c1b9-f2d2-ae72f251becf Event1 Overledene Heeswijk 1588-01-01 1620-12-31 DTB Begraven Brabant Brabants Historisch Informatie Centrum 1441 Bron: boek, Deel: 10, Periode: 1588-1620 Heeswijk (Abdij van Berne) doop-, trouw- en begraafboek 1588-1620 81r01 10 1 https://images.memorix.nl/bhic/thumb/640x480/2ba07911-afea-c254-e8c9-799a15049f3b.jpg https://images.memorix.nl/bhic/thumb/250x250/2ba07911-afea-c254-e8c9-799a15049f3b.jpg 2 https://images.memorix.nl/bhic/thumb/640x480/62f03b55-d2b0-4247-3503-9609060b9410.jpg https://images.memorix.nl/bhic/thumb/250x250/62f03b55-d2b0-4247-3503-9609060b9410.jpg 3 https://images.memorix.nl/bhic/thumb/640x480/5122a404-cbb6-2d4a-23b4-853a8f8dd3e8.jpg https://images.memorix.nl/bhic/thumb/250x250/5122a404-cbb6-2d4a-23b4-853a8f8dd3e8.jpg 4 https://images.memorix.nl/bhic/thumb/640x480/7c0fd6e8-c0f4-9449-337e-b253b9c8d49c.jpg https://images.memorix.nl/bhic/thumb/250x250/7c0fd6e8-c0f4-9449-337e-b253b9c8d49c.jpg 5 https://images.memorix.nl/bhic/thumb/640x480/c413116b-db95-b9ca-3c3f-8db5230d5bf5.jpg https://images.memorix.nl/bhic/thumb/250x250/c413116b-db95-b9ca-3c3f-8db5230d5bf5.jpg 2017-11-21 https://www.bhic.nl/memorix/genealogy/search/deeds/5e685307-e859-7188-22ac-584c9b7e1945 {5e685307-e859-7188-22ac-584c9b7e1945} [Testament is bijgevoegd] Philippus Abrahae Bazore secretarius, defunctus 27 Septembris, die den 21-en der voirscr. maent sieck liggende ghedicteert heeft ende doen schrijven bij den pastoir van Dinter ende voor ’t heylige sacrament den H. Olisels, mij pastoir, heer Aert Andriessen pastoir tot Dinter ende J. Bartholt van Ffleru drossaet (alvorens ’t Heylige Sacrament des altaers ontfangen hebbende) bevesticht heeft zijn testament al hiernae volcht. Copie In den naem Goidts Almachtich. Amen. Ic onderscreven, aenmerckende de bruesheyt der menschelijcker natueren ende nu besundere met een swaere siecte begaen, die mij Godt Almachtich opgeleet heeft, maer mijn vijf sinnen wel machtich, so dat eenen yeder bleeck ende scheen, nu, ontfangen hebbende het eerweerdige H. Sacrament, doen condt ende make notoir eenenyegelijcken, die dese openbaer letteren van testament oft uuyterste wille sullen sien oft hooren lesen, dat ic op huyden datum van desen hebbe verclaert ende verclaere mits desen mijn uuyterste wille te wese in manieren hierna beschreven ende dat onder alle behoirlijcke clausulen ende puncten daertoe dienende, begerende dat hetselve testamente altijt goet ende van weerden gehouden sal worden niettegenstaende alle codicillen ende keyserlijcke rechten ofte andere ghewoonte van dingbancken, die ter contrarie van desen soude mogen geallegeert worden, begerende oick mede van den schrijver deses, ofte ennige poincten oft clausulen in vergeten waren, dier van rechswegen in behoirden, die tot allen tijden, dies noot wesende, gesuppleert te worden. In den iersten soo maecke ic Godt van Hemelrijc ende Marie, de reyne maget ende moeder Godts, ende allen Goidts lieven heyligen in goeder behoedenisse mijn aerme sondige ziele wanneer sij van mijn lichaem sal scheyden, ende mijn lichaem der gewijder aerden, ende mijn patroon Sint Wilboert binnen der kercken van Heeswijc vier stuver eens terstont na mijnder afflijvichheyt ende dat voir allen onrechtveerdich goet off ic sonder mijn weet ennich waer besittende. Item alnoch besedt ic testateur voirscr. ende verclare mijn uuytersten wille te wesen, dat de Heylige-Geestmeesters ende kerckmeesters, dier tijt wesende tot Heeswijck, sullen opbueren ende ontfangen, terstont na mijnder aflijvichheyt ende niet eer alsulcken seven guldens guldens jaerlicx als mij belooft heeft te geven Peter Joannis Peters, wonende tot Scijnle, uuyt sekere onderpanden prout in litteris scabinorum de Scijnle. Dies sullen die proviseurs ende kerckmeesters gehouden zijn deselve uuyt te reycken op ten dach mijns jaergetijts, den pastoir seven stuver, den custer drie stuver ende twe oirt ende de reste van drie gulden 10 stuver tot reparatie der kercken van Heeswijck. Dies sal den pastror metten custer doen vigilie ende singende misse ende de kercke het licht. De andere resterende drie gulden thien stuver sullen sij proviseurs den aermen tot Heeswijc uuytspijnden. Item onder de form ende maniere als boven so make ick testateur den proviseurs des H.-Geest ende den kerckmeesters tot Dinter in alcken drie gulden 10 stuver jaerlijcx, waervan de kerckmeesters pro anniversario sullen gheven den pastor seven stuver ende den custer vierdalven stuve ut supra, welcke hondert gulden eens de voirscr. proviseurs ende kerckmeesters sullen ontfangen van Henrick Bogaerts, die hij mij onder een obligatie schuldich is, ende sullen die beleggen aen Henric voirscr. oft eenen anderen, so hem believen sal, aen goede onderpanden tot eenen erffbrief, die Hanric terstont sal stellen oft anderssins de penningen opleggen ende betaelen. Item in derselver forme besette ende gheve ic testateur de proviseurs der Taefelen-der-aermen van Schijnle ende de kerckmeesters der fabrycken desselffs elcken drie gulden 10 stuver, den pastoir daervan seven stuver, den custer drie ende eenen halven stuver ende hiervoor vigilie ende singende misse, ende de proviseurs den aermen binnen Schijnle op den dach zijns jaergetijts alles ut supra. Dese rente sullen zij ontfangen van Ghijsbert Jansen van den Bogaert tot Schijnle, dewelcke hij Gijsbert voirscr. mij testateur uuyt sekere onderpanden is geldende prout in litteris scabinorum de Scijnle. Item ic testateur legateer ende besette Aleyten, Henric Aerts huysvrou, wonende tot Erp, mijnen meyen ende alnoch Mariken haer suster, wonende tot Helmont, getrout hebbende Jan Theeuwens, om terstont na mijn doot van ’t dorp van Heeswijck een rente van negenthich guldens ende vijff stuver jaerlijcx op te beuren ende te ontfangen, elck de helft van desen, so lange als zij leven, ende na haeren doot sullen heur kynderen die erffelijc besitten ende de meyen en sullen anders dese rente niet mogen verminderen dan de pachten beuren so voirseyt is. Item ick testateur legatere ende besette Henricken Aert Hoeck, wonende tot Vechel, een obligatie van een hondert ende vijftich carolusguldens ende noch seven en twintich gulden ende achtien stuver, die Huybert Willems mij gelooft ende heeft ondertekent bij hem ende porteren van Den Bosch als getuygen, dat de voirscr. Henrick Hoeck ende Mathijs zijn sone, wonende tot Grave, alnoch des voirscr. Henricx suster ende heuren man ende haeren soon, begerende, dat de testamenteuren, die hierna genomineert sullen worden, na mijnen aflijvichheyt den boven gescreven personen de voirscr. obligatiën sullen uuytreycken, om bij hem gelijckelijck gedeylt te worden. Item ic gheve te kennen, dat mij Cost Otten schuldich is van geleenden gelde volgende een schepengheloofte de somme van vijff ende twintich gulden, die ick make wijlen Ffrans Goyaerts soontken, die mijn vuntpeteren is, begerende dat men Jan Maessen tot Lieshout sijnen mombaer het bescheet zal overleveren. Item Willem Lamberts tot Vechel is mij ooc sculdich onder een obligatie de somme van vijff ende twintich guldens, dewelcke ic make Jenneken des voirscr. Willems dochter zone, mijn vuntpeteren. Pro memoria, Die van Berlicom zijn mij schuldich seven ende tsestich gulden. Item het dorp van Dinter is mij schuldich vijftich gulden. Item Jan Dirck Pennincx is mij schuldich vijtich gulden. Item de weduwe Aert Daniëls tot Berlicom is mij schuldich vijffentseventich gulden, noch vijf gulden 5 stuver onder een obligatie. Item ick versuecke ende bidde zeer oitmoedelijck, dat mij Joncker Bertholt van Fleru, drossaert op ten huyse van Heeswijck ende met hem adiunct meester Renier Mors ende den pastoir tot Dinter, heer Aert Andries Beys, zal believen aen te nemen executeurs van desen mijn testament te wesen ende allen mijn anderen saecken, deselve daervoir begiftende voir hunnen moeyten eenen yeder van hem met eenen gouden rinck, dien sij selver sullen doen maken voor acht oft thien gulden, tot mijnen gedenckenisse te dragen. Hiermede dit tegenwoirdich testament ende mijn uuytersten wille sluytende, reserverende noch mijnen eygenen wille, om hetselve te mogen revoceren, in toto vel in parte te mogen verminderen oft vermeerderen so mij dat sal gelieven, willende, dat dit in allen manieren, so boven verhaelt is, zijn effect sal sorteeren. Actum ipso Matheo anno a Nativitate Domini 1596 me ipso attestante, qui pastore scriptori haec dictavi omnia in meliori forma. Onder stont aldus: Phhilips Bazore. boek 10 1588-1620